Handa na ang Diocese of Bacolod sa mga aktibidades may kaangtanan sa pag-obserbar sang Semana Santa.
Sa interview sang Bombo Radyo kay Justine Ian Arca, secretary sang commission on liturgy sang Diocese of Bacolod, alas-4:40 subong nga hapon, may yara sang reflection nga patigayunon kag may misa alas-5:30 sa hapon.
May misa man nga patigayunon alas-6:00 bwas sa aga, Martes Santo kag sa Miyerkules Santo.
Sa Huwebes Santo, may Chrism Mass alas-8:00 sa aga kun sa diin ginabendisyunan sang obispo ang holy oil nga ginagamit sa mga sacramento.
Diri man ginahiwat ang pagbag-o sang saad sang mga kaparian sang ila pagpanumpa bilang pari sa diocese.
Ginalauman man nga gin-anunsyar sang obispo ang bag-o nga assignments sang mga pari bangud patigayunon na ang reshuffling.
Ang Mass of the Lord’s Supper with Washing of the Feet ang patigayunon alas-4:00 sa hapon nga sundan sang reposition kag transfer of Blessed Sacrament to the Altar of Repose alas-5:30 sa hapon.
Sa Good Friday naman, ang Via Crucis patigayunon alas-4:00 sa kaagahon samtang ang prusisyon sang Santo Entiero kag Pasos ang patigayunon alas-5:00 sa hapon nga sundan sang du-aw halin alas-6:30 sa gab-i tubtub tungang gab-i.
