Naghatag sang pangamuyo ang obispo sa Diocese of San Carlos diri sa Negros Occidental para sa mga residente nga apektado sang paglupok sang Bulkan Kanlaon.
Sa interview sang Bombo Radyo Bacolod kay Rev. Fr. Gerardo Alminaza, ang social action office sang Diocese of San Carlos ang nagabatun sang Gcash donation, Bank Account ukon cash sang mga luyag nga magbulig sa mga nahalitan sang ashfall gikan sa bulkan.
Ang bulig ang sarang man nga ihatag sa parokya sa inyo nga mga lugar, kag ini ang ila na lamang nga tipunon.
Dugang pa ni Alminaza nga sila ang nagakoordinar sa mga apektado nga local government units (LGUs) agud matumod kun ano nga bulig ang mas labi nga ginakinahanglan.
Isa sa ginalantaw nila nga baklon para sa mga evacuees ang facemask kag bottled water bangod kontaminado sang ashfall ang mga sources sang tubig kasubong man foodpacks.
Nagpanugyan man ang obispo sa mga pumuluyo partikular na ang may mga problema sa baga, nga magsuksok sang facemask bangod sa halit nga matuga sang abo kag baho sang asupre.
Antes magbuya, naghalad man sang pangamuyo si Bishop Alminaza para sa mga residente nga apektado sang kalamidad.
