Nagapati si Human Rights Lawyer Atty Cesar Beloria Jr. nga nahimo nga makaluwas sa sentensya nga kamatayon si Mary Jane Veloso sa Indonesia bangod sa deplomatic relationship sang pungsod sa Pilipinas.
Sa interview sang Bombo Radyo Bacolod sa abogado, maayo nga balita nga nagsugot ang Indonesian government nga masaylo sa Pilipinas ang jusdiction sa overseas Filipino worker.
Apang paathag sini nga wala madula ang criminal liability ni Veloso, sa baylo ini ang iya serbihan sa Pilipinas.
Nagapati ang abogado nga yara na sa written ukon verbal agreement sang Indonesia sa Pilipinas kun ano ang mangin kahimtangan sini.
Ini bangod indi mahapos sa isa ka pungsod nga buy-an ang jurisdiction sa persona nga nasentensyahan na bangod kinahanglan man nila ikonsiderar ang reaksyon sang pumuluyo kag implikasyon sini sa layi.
Mahimo man nga may-ara sang request ang Indonesia kabaylo sang pagpasugot, ukon ini ang unilateral lamang nga sabat sa hingyo ni President Ferdinand “Bongbong” Marcos Jr.
Samtang isa man sa ginabantayan kun gamiton ni Marcos kag kun pwede ang iya gahom sa paggrant sang executive clemency.
Apang kun may-ara sang trade agreement, ini ang respetuhon gid sang presidente.
Bangod wala sang death penalty sa Pilipinas, yara ang posibilidad nga ang sentensya ang serbihan na lamang ni Veloso sa pagkapriso.
