Dismayado ang Director of External Affairs sang Carlos Hilado Memorial Strate University sa ginhimo nga pagpaminta sa mga bato sa suba sa Barangay Minoyan, Murcia.
Sa interview sang Bombo Radyo kay Rhoderick Samonte, wala sini una nga ginpatihan ang nagalapta nga video sa social media sang mga bato sa suba nga may nagkalain-lain nga duag.
Apang, naghimo ini sang tikang nga makumpirmar ang video, kag sang napamatud-an nga ang mga bato nga may duag ang yara sa suba sa Murcia, dismayado ini sa ginhimo nga pagpang-abuso sa dunang manggad.
Suno diri, dismayado ini nga ginhalitan pa ang natural beauty sang suba.
Nagapanawagan ini sa karun sa Provincial Environment and Natural Resources Office (PENRO), Department of Environment and Natural Resources Office (DENR) kag sa tanan nga nagapakigbato para sa nature nga hatagan sang tikang ang nahimo nga pagpaminta sa mga bato sa suba agud nga malikawan ang pagpanghalit sa mga protective area sa probinsya kag ini ang mahatagan sang respeto kag importansya.
