Aminado ang pinuno sang Provincial Disaster Management Program Division (PDMPD) nga dako ang nabulig sang dredging sa waterways sa probinsya para sa paglikaw sang pagbaha sa tion nga naga-inulan.
Sa interview sang Bombo Radyo Bacolod kay Dr. Zeaphard Gerhart Caelian, ginpahayag sini nga bilang preparasyon sang probinsya sa panahon sang tag-ulan, mismo ang mga katapo sang Local Disaster Risk Reduction Management (LDDRM) sang tagsa ka local government units ang nagapanguna sa pagpaninlo sang mga water ways ilabi na sa mga lugar nga flood prone.
Ginaduso man ni Negros Occidental Provincial Administrator Atty. Rayfrando Diaz ang expansion sang Emergency Management System (EMS) sa probinsya.
Suno Kay Caelian, sa tion nga may mga weather advisories kaangay sang bagyo, nagapreparar ang bilog nga probinsya bangud wala nahibaluan kun sa diin matupa ang weather distubances kaangay sang bagyo apisar nga may specific nga lugar ang nakabutang sa advisory nga pagatup-an sini.
Samtang ginapatuman man ang Bayanihan approach sa mga LGUs nga apektado.
Nag-aprubar naman sang budget ang probinsya para sa search and rescue track.
