Ginpropose na sang Bacolod City Disaster Risk Reduction and Management Office kay Bacolod City Mayor Alfredo ‘Albee’ Benitez ang pagpatindog sang apat ka satellite office sa nabagatnan, naaminhan, nakatungdan, kag nasidlangan nga bahin sang ciudad.
Suno kay CDRRMO head Dr. Anna Maria Laarni Pornan, tuyo nila nga magbutang sang satellite office sa Brgy Vista Alegre, Mandalagan, Bredco kag Bgy Alijis.
Kun matukod na, ini ang butangan sang personnel sang DRRMO, Bureau of Fire Protection (BFP) kag Bacolod City Police Office (BCPO).
Apang, igatsekyar pa kun accessible ang lugar nga patindogan sang opisina, kaangay na lamang nga kun mahapos ang pagbyahe sa mga vehicles kag ini ang makit-an sang tanan.
Ang pagpatukod sang satellite offices ang makapahapos sa pagrespond sa mga emerhensya.
