Nagapati ang political analysts nga qualified ang Discaya couple nga mangin state witness ukon mapaidalom sa witness protection program sa tunga sang nagapadayon nga imbestigasyon sang Senate Blue Ribbon Committee sa anomalous flood control projects.
Sa interview sang Bombo Radyo Bacolod kay Atty. Jomax Ortiz, kun maqualify si former Bulacan First District Engineer Henry Alcantara nga ipadalom si witness protection program dapat ang Discaya couple man.
Suno kay Ortiz, mahimo nga ginpasalig na sang Department of Justice nga mapaidalom sa Witness Protection Program si Alcantara gani maisog na ini nga nagbuyagyag sang mga pangalan sang mga personalidad nga nakabaton sang kickbacks gikan sa pondo sang flood control projects kag nalakip diri sanday Senator Jinggoy Estrada, Joel Villanueva, anay senator Bong Revilla Jr., Ako Bicol Rep. Zaldy Co, kag anay Caloocan representative Mitch Cajayon.
Suno diri, daw teleserye lamang ang nagakatabo sa karun sa politika sa Pilipinas.
Suno sa abugado nga kun may nagakaigo nga ebidensya mahimo gid nga mapasakaan sang kaso sanday Estrada kag Villanueva apang ang isa karun nga maathag nga indi madalahig si President Ferdinand “Bongbong” Marcos.
Suno diri, balantayan ang masunod nga mga hitabo bangud ang hearing ang magabalik sa Huwebes.
