Ginpahayag sang Commission on Elections nga bulan sang Abril masettle ang nabilin nga mga disqualification cases batok kay presidential candidate Ferdinand Marcos Jr.
Suno kay Commissioner George Garcia, santo sa pahayag ni Comelec Chairman Saidamen Balt Pangarungan, ang disqualification cases ang maresolbar sa ikaduha nga semana sang Abril ukon sa ikatatlo nga semana sang nasambit nga bulan.
Ginpahayag man ni Garcia nga wla ini nakigbahin sa diskusyun bangud si Marcos ang iya anay kliyente kag ini ang nagarequire sa iya nga magpalayo sa mga kaso sang iya anay mga kliyente.
Bangud diri, ang mangin desisyon sa mga disqualification cases ni Marcos ang magagwa indi magnubo isa ka bulan antes ang national kag local elections nga patigayunon sa Mayo 9.
Ang mga desisyon sa mga kaso ang posible nga maapelahan sa Korte Suprema apang indi posible kun wala sang Comelec en banc judgment.
