Ginbasura sang Commission on Elections First Division ang disqualification cases nga ginfile batok kay presidential candidate former Senator Ferdinand Marcos Jr., suno kay Comelec spokesman James Jimenez.
Suno kay Jimenez, ginbasura sang division ang consolidated petitions ni Bonifacio Ilagan, Abubakar Mangelen kag Akbayan bangud sa kakulang sa merit.
Suno sa mga petitioners, dapat indi pagpahanugutan si Marcos nga magpadalagan bilang presidente bangud sa iya conviction para sa pagbayolar sang Internal Revenue Code, nga nagadala sang penalidad para sa perpetual disqualification sa pag-uyat sang maskin ano nga public office.
Ginpahayag sini nga sang 1995, isa ka Quezon City court ang nagconvict kay Marcos bangud wala ini nakafile sang income tax returns humalin 1982 tubtob 1984.
Ang ginconviction ang gin-uyatan sang Court of Appeals apang ginhukas sa imprisonment sentence.
Wala naman nag-apelar si Marcos sa ruling.
Suno sa resolution nga ginsulat ni Commissioner Aimee Ferolino, indi kaangay sa assertion sang mga petitioners, ang penalidad nga perpetual disqualification bangud sa indi pagbayad sang income tax returns ang wala nalakip sa idalum sang original 1977 NIRC.
Santo sa resolusyon, ang penalidad sang perpetual disqualification ang may gin-implementar lamang sang nagtake-effect ang PD 1994 sang Enero 01, 1986.
Suno sa ruling, indi sarang nga ma-apply ang penalidad sa tax violations sang respondent nga ginhimo antes ang effectivity sang nasambit nga layi.
Suni sa ruling, isa ka penalidad nga magakuha sa isa ka citizen sang iya political right nga maboto sa isa ka eleksyon ang dapat mangin maathag, unequivocally kag expressly nga nabutang sa desisyon.
Nakabutang man sa ruling nga ang indi pagfile ni Marcos sang income tax returns sang 1982 tubtob 1985 ang indi krimen nga ginalakipan sang moral turpitude.
Indi man suno diri makabig nga “fraud” ang indi pagfile sang income tax returns.
