Natapos na sang Department of Social Services and Development (DSSD) sang Bacolod ang pag-release sang financial assistance sa 93, 143 ka mga pamilya nga benepisyaryo sang Social Amelioration Program (SAP) sa ciudad.
Sa interview sang Bombo Radyo Bacolod kay DSSD head Pacita Tero, ginpahayag sini nga ang tanan nga pay-out ang natapos na panghatag sang Sabado.
Nalakip naman sa mga natapos ang mga replacements sang mga nadisqualify.
Suno kay Tero, 100% na ang compliance rate sang DSSD-Bacolod sa SAP.
Kadungan sini, gin-athag ni Tero nga ang mga residente sang Purok Bulak, Barangay Mandalagan, Bacolod City nga nagpahayag nga ginapabalik-balik sang mga barangay officials kag ginapasalig nga may batunon nga SAP ang wala na sang batunon sa idalom sang 1st tranche sang tagtaganay bangud natapos na ang pay-out.
Suno diri, ang ginfill-upan nga form nga ginpasa sang barangay sa opisina sini ang ginscreen liwat agud makuha ang final number sang qualified beneficiaries.
Mahimo suno sa iya nga wala naeksplekaran sang maayo sang mga incharge sa Purok Bulak ang tanan nga mga pumuluyo nga indi tanan nga nakafill-out sa SAP form ang mangin qualified beneficiaries.
