Nagarequest ang Department of Health – Negros Island Region sa Negros Occidental Provincial Government nga mahimo nga ang Merceditas J. Montilla District Hospital sa Sipalay City ang himuon nga Annex facility ukon extension sang Corazon Locsin Montelibano Memorial Regional Hospital.
Sa interview kay Negros Occidental Governor Eugenio Jose “Bong” Lacson, ginkumpirmar sini nga nabatun niya ang sulat.
Positibo man ang paglantaw niya diri, apang ila pa nga tun-an sang maayo ang proposal.
Nahibaluan nga ang mga District Hospitals ang ginadumalahan sang Provincial Government.
Dapat pa suno kay Lacson nga madiskusyonan nga kun ano ang mangin arrangement sa partnership sang DOH kag Provincial Government.
Apang maayo nga butang suno diri, kun ang Regional Hospital ang magadumala sa District Hospital.
Ini agud mapasanyog pa ang kapasidad kag pasilidad kag makacater sa mas malapad nga medical needs sang mga pasyente.
Suno diri, maayo man nga madala ang medical system kag Local Healthcare Network sang DOH sa nasambit nga ospital.
