Ginadeklarar nga public holiday sa Kuwait ang Disyembre 31 kag Enero 1 kadungan sang pagsugata sang bag-og tuig.
Sa New Year Around the World segment, ginpahayag sang overseas Filipino worker (OFW) nga kalabanan nga ginaselebrar ang bag-ong tuig sa Kuwait sa pribado lamang nga mga lugar.
Sa interview sang Bombo Radyo kay John Randolph Rubin, sa Disyembre 31 may yara sang mga private parties nga ginapatigayon sa mga pribado nga mga kompanya, mga hotels kag mga restaurants.
Suno diri, tuman man ka tahum ang mga fireworks sa Kuwait nga yara makita sa mga dalagko nga mga buildings kun sa diin ini ang ginahimo nga tourist attractions sa mga lokal kag sila ang naga-countdown man.
Apang suno diri, indi kaangay sa Pilipinas, wala sang tradisyon nga pagdisplay sang 12 fruits.
Samtang, ang mga Pinoy ng yara sa Kuwait ang nadala sang ila nga mga nakaandan nga mga tradisyon gikan sa Pilipinas.
Suno kay Rubin, wala sila sang mga palupok nga ginabaligya bangud ginabawal ini sa lugar ilabi na ang mga dalagko nga mga palupok.
Sa New Year’s Eve naman, sila ang nagatililipon upod ang pamilya kag abyan, nagalagaw agud nga maglantaw sang mga live musics ukon mga cultural performances.
