Pagabuksan na ang diversion channel bisan nga indi pa 100 percent nga kumpleto.
Suno kay Bacolod City Mayor Greg Gasataya, nagpsalig na ang Department of Public Works and Highways kag ang contractor nga ALMANA Construction and Development Corporation nga buksan na ang outfall sa diversion channel.
Suno diri, kun mabuksan na ang portion sang proyekto mapahagan-hagan na ang baha sa mga barangay.
I-tap na sa diversion channel ang mga local drainages gikan sa nagkalainlain nga Barangay agud may gwaan ang tubig sa tion sang mabaskog nga pag-ulan.
Ang Local Government Unit sang ciudad ang matrabaho sa pagtap sang local drainages padulong sa diversion channel.
Dugang pa sini, kun bukas na ang diversion channel kag padayon ang paglimpyo sa mga inlet, madasig ang pag-ilig sang tubig.
