Ginalauman ni Senator Risa Hontiveros nga mangin bukas ang senado sa ginaduso sini nga Divorce Bill ukon Dissolution of Marriage.
Suno sa chairperson sang Senate Committee on Women, Children, Family Relations and Gender Equality, aprubado na sa kamara ang Divorce Bill kag sa karun iya ginaluaman sini nga mangin bukas man diri ang senado.
Pahayag ni Hontiveros, ang Divorce bill may mas manubo nga gasto kag madasig nga proseso basta malab-ot lang ang ginapangayo nga criteria kag mapasa ang kinahanglan nga requirements.
Ini indi kaangay sang annulment kag legal sepraration nga magasto kag may malawig nga proseso.
Ginapahunugotan man sa Divorce Bill nga liwat makapakasal ang isa ka indibidwal, nga suno kay Hontiveros, ang kada isa takos nga mahatagan sang ikaduha nga tyansa sa paghigugma.
Dugang pa niya, bilang isa ka tawo, kabahin na diri ang tyansa sa pagbag-o.
Nagpasiguro man ini nga ang Divorce Bill ukon Dissolution of Marriage, civil kag legal lamang kag indi makahilabot sa pagsulondan sang simbahan angot sa pagpakasal.
