Nagpangayo sang assistance ang Department of Migrant Workers (DMW) sa labor minister sang Nepal para sa pagpangita sang Filipino physician na si Juan Carlos Manalo, nga nadula matapos ang malapad nga flash flood sa Nepal-China border.
Suno kay DMW Secretary Hans Cacdac kahapon, pormal ini nga nag-request sang bulig sa labor minister sang Nepal bilang kabahin sang tikang sang pungsod sa pagpangita kay Manalo.
Suno kay Cacdac, naistorya na sini ang counterpart sa Nepal nga si Labour Minister Ramjee Yadav, kag ginpahayag ang suporta kasubong man ang request nahanungod kay Dr. Manalo.
Suno diri, padayon man ang pagpakig-angot sang DMW kay Philippine Ambassador to New Delhi Josel Ignacio, nga nakig-koordinar naman kay Suraj Vaidya, Honorary Consul General of the Philippines sa Nepal.
