-- ADVERTISEMENT --
Naka-heightened alert na ang Department of Migrant Workers (DMW) para magbulig sa mga Overseas Filipino Worker (OFW) sa Middle East kasunod sang tensyon sa tunga sang Israel kag Iran.
Nagpahanumdom man sang ahensiya sa mga OFW nga temporaryo magtinir sa sulod sang ila balay kag padayun nga maghalong.
Bukas man ang help desk 1348 hotline sang DMW-OWWA para sa mga OFW kag ila pamilya nga magakinahanglan sang bulig halin sa gobyerno.
Ginpahayag ni DMW Undersecretary Bernard Olalia, ang direktiba naghalin kay Presidente Ferdinand Marcos Jr. kag DMW Secretary Hans Leo Cacdac sa diin, may pagpanghanda na ang tanan nga front offices ilabi na ang Migrant offices sa Israel, Jordan, Lebanon kag iban pa nga pungsod sa Middle East.
