Nagalaom ang tiglikom sang Department of Energy nga mangin maayo ang pagpangabuhi sang mga tawo sa Siquijor matapos ang ginpatigayon nga switch-on ceremony para sa bag-o nga 17.8MW (Megawatt) Diesel Power Plant sa Siquijor nga ginpangunahan ni President Ferdinand “Bongbong” Marcos Jr. kahapon.
Suno kay Energy Secretary Sharon Garin sa karun wala na sang problema ang supply sang kuryente sa Siquijor bangud nga sobra na sa demand sang probinsya ang mahatag sang United Power Rental Inc. ang bag-o nga power provider.
Suno kay Garin, ang nasambit nga probinsya ang nagakinahanglan lamang sang 9 megawatts gani madamo sang reserba bangud 17.8 Megawatts ang bag-o nga Diesel Power Plant sa Siquijor.
Suno sa tiglikom bisan i-under maintenance pa ang duha ka generator sets sang power provider wala na sang magaluntad nga tag anum ka oras nga brownouts.
Suno diri, dako nga bulig ang maayo nga electric supply sa palangabuhian sang mga residente ilabi na nga madamo na ang nagapadulong didto kasunod sang nagasanyog nga turismo.
