Madamo na kita sang nahibaluan nga mga ginaselebrar sa natalana nga mga petsa, kaangay nalang sang fire prevention month, international women’s month, Earth Day kag madamo sang iban pa.
Apang nakahibalo bala kamo nga bisan ang pag-utot sang ido ang ginaselebrar man?.
Ang Dog Farting Awareness Day, ang ginaselebrar kada-Abril 8 sang kada-tuig.
Ini ang nagahighlight sa mga pamaagi agud mahibaluan ang ikaayong lawas sang mga hinuptan nga ido santo sa ila nga gas-passing habits ukon pag-utot.
Ang holiday ang nag-umpisa sa social media sang 2014, kun sa diin ang ang mga dog owners kag mga organisasyon kaangay sang Animal Rescue League sa Iowa kag the Heritage Humane Society sa Virginia sa Estados Unidos ang nagpalapta sang selebrasyon pinaagi sa mga memes kag hashtags.
Gindeklarar sang American Society for the Prevention of Cruelty to Animals (ASPCA) ang Abril 8, 2014 bilang pinakauna nga annual Dog Fighting Awareness Day, apang indi pa klaro kun ang paghuman sang duha ka “observances” ang konektado ukon natabuan lang.
Ang Dog Farting Awareness Day ang sa karun adlaw para sa mga animal organizations kag mga dog lovers agud nga ipakigbahin ang mga tips natuhoy sa canine digestive health.
Ang Flatulence sa mga ido ang pinakamasami nga tuga sang paghaklo sang hangin sang mga ido samtang sila ang nagakaon, apang ang dugay-dugay na nga pag-utot nga may kaupod nga pagsululuka ukon paglupot ang mahimo nga sinyales sang mas seryoso nga health issues sa hinuptan.
Ang iban pa nga mga holidays nga gina-obserbar kada-Abril 8 ang ginalakipan sang “Draw a Picture of a Bird Day”, “National All is Our Day”, “ National Empanada Day” kag “Zoo Lovers Day”.
