-- ADVERTISEMENT --
Ginpropose ang pagrenovate ang dog pound sa Barangay 35, Bacolod City nga amo man ang magaserbi nga opisina sang City Veterinary Office.
Suno kay Bacolod City Mayor Greg Gasataya, may plano nga ginpropose ang City Engineers Office nga plano para mapakay-o ang 2,000 square meter nga area kun sa diin butangan ini sang drop off, quarantine area, general housing area kag may open area.
Suno diri, maesturya pa ini sa animal welfare group kun ano pa gid ang dapat nga himoon nga mabulig sang Local Government Unit.
May P10 million naman nga budget nga gintalana para sa renovation sang dog pound nga posible madangat sa anum tubtob napulo ka bulan antes matapos ang construction.
