Ginapadasig na sa karun sang Department of Health (DOH) ang mga tikang batok sa coronavirus disease ukon Covid-19 kasunod sang pagdeklarar na ni Presidente Rodrigo Duterte sang public health emergency.
Sa interview sang Bombo Radyo Bacolod kay Dr. Mary Jane Juanico, head sang Infectious Diseases Section sang DOH Region 6, ginpahayag sini nga mas ginapasangkad pa ang contact tracing sa mga nakasalamuha sang mga Covid-19 positive kag mangin ang pagbakal sang mga Personal Protective Equipments (PPE).
Magluwas diri, mangin ang mga health facilities ang nagapadasig naman sang mga tests sa mga ginasuspetsuhan may coronavirus.
Sa karun, nagapanugyan gid si Juanico sa mga Pilipino nga may yara sang travel history sa mga pungsod nga may positibo nga kaso sang Covid-19 nga magpaidalom gid sa 14-day quarantine kag magpahibalo sa Barangay Health Emergency Response Teams (BHERTS).
Ini agud mapalab-ot man sang BHERTS ang nasambit nga impormasyon sa ila nga local government units.
