Nagpaandam ang Department of Health (DOH) angot sa mga balatian nga posible makuha bangud sa mainit nga panahon.
Suno kay DOH Undersecretary Mary Ann Maestral, ini nga mga balatian amu ang nagapanguna nga heat stroke, high blood pressure, heat exhaustion, skin damage kag iban pa nga mga balatian.
Suno kay Maestral, agud malikawan ang mga balatian magpabilin nga hydrated, indi magsulay sa init ilabi na kun maglapaw sa alas 9:00 ang takna sa aga tubtob alas 2:00 ang takna sang hapon.
Dugang pa sini nga magdala sang panaming sa ini kaangay sang payong kag ugalion ang pag-inum sang madamo nga tubig ukon magpabilin nga hydrated.
Nagapati si Maestral amat-amat nagasugod ang summer season.
Nagpaandam man ini nga tuman nga kainiton sang panahon ang mahimo tunaan sang heat stroke, kag pagsaka sang blood pressure ilabi na sa mga naga-edad na mga persona.
