DOH, nagakabalaka sa lainlain nga balatian nga nagatuhaw sa panahon sang tig-ululan

Nagakabalaka ang Department of Health sa nagkalain-lain nga balatian nga nagatuhaw kada tig-ululan.

Suno sa DOH, ang leptospirosis ang pinakamadamo nga narekord nga kaso sang asod-asod nga bagyo kag makusog nga pag-ulan sang 2024.

Suno kay DOH spokesperson Assistant Secretary Albert Domingo, importante nga maghugas gilayon sang lawas gamit ang matinlo nga tubig kag habon kun nag-ubog sa baha kag gilayon nga magkonsulta sa doktor kun kinahanglanon.

Magluwas sa leptospirosis, masami man nga nagataas ang kaso sang ubo kag sip-on, trangkaso, dengue kag diarrhea kada tig-ululan.

Ginhangkat sang DOH ang publiko nga pasanyugon pa ang resistensya kag ipabilin ang matinlo nga lawas kag maglikaw sa mahigko nga mga lugar.