Nagpanugyan ang Department of Health sa publiko nga maghalong sa karun nga tion sang Amihan ilabi na sa mga balatian nga masami nagaka-eksperyensyahan sa karun nga paniempo.
Ang Amihan ang nagadala sang matugnaw kag mala nga hangin nga masami nagaka-eksperyensyahan kada bulan sang Nobyembre tubtob Marso gani importante nga mangin handa kag protektado.
Pila sa mga masakit nga masami problema sa tion sang Amihan amu ang trangkaso ukon influenza, sip-on nga may dala nga ubo, pneumonia, allergic rhinitis kag pagdry sang panit nga posible magresulta sa eczema.
Agud malikawan ang paglapta sang nasambit nga mga balatian, naghatag ang DOH sang pila ka mga pahanumdum kag rekomendasyon lakip na ang paghugas sang kamot gamit ang habon kag tubig ilabi na kun antes magkaon kag pagkatapos maggamit sang banyo.
