Nagpanugyan ang Department of Health – Negros Island Region sa mga pumuluyo nga may yara sang respiratory kag cardiovascular condition nga halungan ang ikaayong lawas batok sa ma-eksperyensyahan nga “haze” gikan sa nagaluntad nga forest fire sa Kalimantan, Indonesia kun sa diin madamo nga lugar sa Pilipinas ang naka-eksperyensya sini.
Sa interview kay Dr Adrian Hort Ramos, assistant regional director, DOH-NIR para sa may yara sang ginabatyag sa ila sini nga respiratory system nga likawan ang pagpatigayon sang outdoor activities ilabi na sa mga duog nga madamol ang haze.
Dugang pa ni Ramos para sa mga tawo nga sensitibo sa anuman nga air pollutants kalakip na ang mga magagmay nga mga kabataan kag mga may edad na nga kun mahimo magsoksok sang face mask kag limitahan ang pagka-expose sa mga lugar kumpirmado ang haze agud malikawan ang paghaklo sang aso.
