Nagpatigayon sang isa ka consultation meeting may kaangtanan sa pagpatuman sang Negros Island Regon Act sa tunga sang mga opisyales sang Department of Health kaupod kay Negros Occidental Governor Eugenio Jose Lacson.
Ginpahayag ni DOH Undersecretary Mary Ann Maestral nga naplastar na ang personnel para sa DOH-NIR kag ini ang nagahulat na lamang nga mapirmahan ni DOH Secretary Teodoro Herbosa.
Ginalantaw sa palaabuton nga proyekto sang DOH-NIR amo ang mental facility ilabi na nga wala sang kasubong nga pasilidad sa probinsya.
Suno kay Maestral gintalakay ang pagpangita sang probinsya sang duta para sa nasambit nga pasilidad kun sa diin may yara man sang iban nga resources para diri ang Department of Health (DOH).
Ginpahayag man ni Maestral nga may yara sang talatapan ang DOH-NIR nga ginbutang sa probinsya sang Negros Oriental, Negros Occidental kag ciudad sang Bacolod.
Ginpasalamatan sang DOH Undersecretary si Negros Occidental Governor Eugenio Jose “Bong” Lacson sa ginhatag nga office space sang ahensya nga nahamtang sa Negros Residences.
Nagtambong man sa meeting ang mga representatives kag key officials sang Management Support Cluster kag administrative and Management Services sang DOH kaupod si DOH Regional Director Razel Nikka Hao.
