Ginpaathag sang pinuno sang Department of Health Region 6 Infectious Disease Section ang apat ka mga criteria agud ma-classify nga person under investigation ang isa ka persona.
Sa interview sang Bombo Radyo kay Dr. Mary Jane Juanico, ginpahayag sini nga kun naga-eksperyensya sang masobra 38 degrees celsius nga hilanat, respiratory infection kalakip na ang pag-ubo, nakakadto sa China kag nakaclose contact sa isa ka persona nga kompirmado nga apektado sang virus, gilayon nga magpatsekyar sa health center.
Suno kay Juanico, kun naga-eksperyensya sang duha sa mga nasambit nga sintomas, sarang na ini nga maclassify nga person under investigation.
Suno sa iya, gina-admit ang mga PUI kag maconduct sang medical observation agud mamonitor ang kondisyon sini.
Ginkuhaan ini sang oropharyngeal swab kag ginapasa sa laboratory.
Kun magpositibo sa virus, ginadala ang specimen sa Australia agud maclassify kun ano ini klase nga coronavirus.
Nagpahanumdom man si Juanico nga masami nga manghugas sang kamot kag manabon sang ilong kag baba kun mag-ubo.
