Gina-imbestigahan sa karun sang Department of Justice si Vice President Sara Duterte bangud sa posible nga bayolasyon sang Republic Act No. 11479 ukon Anti-Terrorism Law bangud sa mga pahayag nga ginpagwa sini batok kay President Ferdinand Marcos Jr.
Suno kay Undersecretary Jesse Andres, si Duterte ang ginsubpoena bangud sa posible nga bayolasyon sini sang anti-terrorism measure matapos ang iya online news conference sang weekend kag luyag sang National Bureau of Investigation nga mahatagan ang bise presidente sang tiyansa nga mag-eksplikar sang iy pahayag.
Una na nga ginpanindugan ni Duterte nga ang iya mga pahayag ang ginakuha “out of its logical context.”
Suno diri, sundon sang DOJ kag NBI ang due process kag indi sila magfile sang maskin ano nga harassment case.
