Ginpahayag ni Justice Secretary Fredderick Vida kahapon nga gina-obligar si Batangas Representative Leandro Leviste nga magbalik sa Pilipinas kag i-surrender ang kaugalingon sa jurisdiction sang korte kasunod sang arrest warrant nga gin-file batok sa iya.
Suno kay Vida, ang kapaslawan sa pagsunod sa direktiba sang korte ang nagapakita sang indi pagtahod sa justice system ukon otoridad sang korte.
Kahapon, nag-isyu sang arrest warrant ang Makati regional trial court batok kay Leviste may kaangtanan sa gina-alegar violation sa Public Service Act.
Ginkumpirmar man niya nga nakapiyansa na ang duha ka co-accused ni Leviste.
Samtang, maga-request ang Department of the Interior and Local Government (DILG) sang Interpol Red Notice batok kay Leviste.
Suno kay DILG Secretary Jonvic Remulla, sila ang magapakig-angot sa Philippine Center on Transnational Crime (PCTC) agud matumod ang lokasyon sang kongresista.
Nagapati ang mga otoridad nga yara sa Germany ang mamalidha.
