Indi makaapekto sa mga kaso nga ginpasaka batok kay suspended Mayor Alice Guo ang natukiban sang National Bureau of Investigation (NBI) kaangot sa peke nga identity sang alkalde matapos nagpareho ang fingerprints sa Chinese national nga si Guo Hua Ping suno sa Department of Justice.
Suno kay Justice Assistant Secretary Mico Clavano, nga nagfile na sila sang criminal charges batok kay Alice Guo kag may yara na sang gin-estoryahan angot sa peke nga identity.
Sa tion nga mapamatud-an nga stolen identity ang ginagamit sa karun nga suspendido nga alkalde, may yara ini sang iban pa nga liability ukon salabton.
Una diri, una nga ginbuyagyag ni Senator Risa Hontiveros nga ginkumpirmar sang National Bureau of Investigation nga isa ka tawo lang si Mayor Guo kag Guo Hua Ping kasunod sang findings nga nagpareho ang ila nga fingerprints.
Samtang, ginpahayag ni ASec. Clavano nga indi mahimo ipadeport si Guo bangud nakasuhan na ini sang mga kaso nga kriminal sa pungsod.
