Gindayaw ni Department of Justice (DOJ) Secretary Jesus Crispin ‘Boying’ Remulla ang talapatan sang National Bureau of Investigation (NBI) pag-abot sa pagpasangkad sang cyber security.
Sa exclusive interview sang Bombo Radyo Philippines sa DOJ secretary, ginpahayag sini nga dako ang nangin papel sang nasambit nga ahensya para sa pagtumod sa mga krimen nga nagakatabo sa cyber world kag ‘very competent’ pag-abot sa ila trabaho.
Nagapati si Remulla, nga ang Cybercrime Office sang NBI ang isa sa pinakamaayo nga opisina sa bug-os nga pungsod.
Aminado man ini nga may yara pa sang kakulangan apang ginatinguhaan ang pagpasangkad sang kampanya kag pag-improve sang serbisyo.
Suno kay Remulla, nagakinahanglan sang masobra 2,000 ka mga agents ang ahensya kag ginahulat na lang sini ang plantilla sa paghire sang empleyado kag malab-ot ang tinutuyo nga ‘bigger and bolder NBI.
