Ginpahayag sang Department of Justice nga ginalauman nga si Expelled Negros Oriental congressman Arnolfo Teves Jr. nga i-extradite ukon pabalikon sa Pilipinas sa bulan sang Hulyo apisar sang plano sini nga maga-apelar sa korte sang Timor-Leste.
Suno kay DOJ spokesperson Mico Clavano, nga ang kampo ni Teves ang may yara sang 30 ka adlaw nga magcontest sa decision sang Court of Appeals sang Timor-Leste.
Ginpahayag ni Clavano nga nasiguro sang gobyerno sang Pilipinas ang kadalag-an sa extradition case bangud wala sang basehan ang argumento sang kampo ni Teves partikular na ang mga pahayag sini nga pangatubangon sini ang death penalty sa Pilipinas kag ang pungsod ang wala sang paborable nga human rights conditions.
Suno sa spokesperson sang DOJ, ang Pilipinas ang wala sang death penalty, kag ang pungsod ang may yara sang reforms kag efforts sa human rights kag protection sang human rights.
Nagapati man ini nga pabaskugon pa sang korte ang desisyon sini sa tion nga mapasaka na sang kampo ni Teves ang motion for reconsideration.
Ginpahayag man ni Clavano, nga ini na ang tion agud pangatubangon sang mga ini ang kaso sang multiple murders sa Pilipinas.
Samtang, ginpahayag naman sang legal counsel ni Teves nga si Atty. Fernando Topacio nga ang extradition decision ang “still appealable” kag isa ka “recourse that we intend to take.”
Dugang pa sini nga may yara pa sila sang option sang political asylum.
Si Teves ang nagapangatubang sang 10 counts of murder, 12 counts of frustrated murder kag four counts of attempted murder nga ginpasaka sa Manila Regional Trial Court Branch 51 nga may kaangtanan sa March 4, 2023 shootings sa Pamplona, Negros Oriental.
Naglupad ini padulong sa Dili kag nag-apply sang political asylum.
Sang Marso, ini ang naaresto sa golf driving range.
Subong nga bulan, ginrelease ini gikan sa Becora Prison apang gindakop liwat kag ginsaylo sa Polícia Nacional sang Timor-Leste.
Sang Agosto tinalikdan nga tuig, gindesignar sang Anti-Terrorism Council si Teves kag ang manghod sini nga si anay Negros Oriental governor Pryde Henry Teves, bilang terorista bangud sa gina-alegar nga kaangtanan sang mga ini sa pila ka mga
murder incidents kag harassment sa probinsya sa nagligad nga mga tinuig sang nagapungko pa ang mga ini sa public office.
Samtang si Pryde Henry ang naaresto sa Barangay Taclobo, Dumaguete City sang June 20 bangud sa alegasyon nga imbulbado sa terrosims activities apang ini ang naka gwa matapos magbayad sang pyansa nga P600,000.00.
