Ginreklamo sang isa ka doktor nga nagbisita sa ila pasyente sa Hinobaan District Hospital ang gina-alegar tuktukon kag delapidated na nga hospital bed kasubong man ang mahigko nga beddings.
Sa interview sang Bombo Radyo Bacolod kay Dr Noeh Fernandez, Dean sang College of Optometry sa Southwestern University sa Cebu, siya ang nagbisita sa iya uncle in law sa ward sang Hinobaan District Hospital.
Paathag sini nga siya ang wala sang reklamo sa mga nurses kag doctor kag sa serbisyo sang ospital bangod maayo ang pagtratar nila sa pasyente.
Apang ang nakaagaw sang iya atensyon amo ang hospital bed nga tuktukon kag bed sheets, habol, kag ulunan nga para sa iya kaangay nga halin sa basurahan.
Gintsekyar sini ang hospital bed sang katupad nga pasyente, kag parehas man ang sitwasyon.
Sila ang nagadala nalang sang personal nga tela nga masampaw sa hiligdaan.
Bilang doktor, ginpost sini sa social media ang obserbasyon para sa awareness.
Suno sa iya, delikado para sa pasyente, partikular na sa mga deabetic kag may open wound bangod sila ang mahimo ma-tetanus ukon macontaminate ang pilas.
Kasunod sang iya social media post, nagpagwa man sang statement ang Hinobaan municipal government kag Negros Occidental Provincial Government.
Pasalig sang provincial government nga nagprocure na ang probinsya sang mga hospital beds para sa mga district hospital.
Gani ginalantaw ni Fernandez nga indi lamang sa Hinobaan District Hospital ang issue.
Wala man ini nanamian sa side note ni Negros Occidental Provincial Administrator Atty Rayfrando Diaz, nga nagpahayag nga siya ang indi man taga-Negros, kag ginagub-an lamang ang ospital kag probinsya.
Panindugan pa sini nga indi dapat padugayan kag gilayon na nga solusyonan ang issue, bangod nakasandig diri ang ikaayong lawas sang mga pasyente.
