Nagpahanumdom ang Department of Labor and Employment (DOLE) sang Biyernes sa mga establishments nga ginalakipan sang manufacturing, distribution, kag pagbaligya sang pyrotechnics nga hugot nga magsunod sa occupational safety kag health standards (OSH) agud masiguro ang kaluwasan sang mga trabahante sa karun nga holiday season.
Sa isa ka advisory, ginmanduan ni Labor Secretary Bienvenido Laguesma ang tanan nga DOLE regional directors nga magcoordinate sa Bureau of Fire Protection, Philippine National Police kag mga local government units agud imonitor ang compliance sang mga establishemento sa OSH.
Ginmanduan man sini ang mga regional directors nga magpasa sang isa ka listahan sang mga establishmento sa idalum sang ila monitoring tubtob Enero 10, 2025.
Ang Republic Act No. 11058 ukon ang OSH Act ang nagamando sang hugot nga compliance sang mga employers sa workplace safety standards agud maprotektahan ang mga empleyado nagikan sa occupational hazards kag masiguro ang luwas kag healthy nga mga ulubrahan.
