Liwat nga magabalik sa White House si Republican Donald Trump matapos nga magdaog sa bag-o lamang nga natapos nga US Presidential Election.
Kapin alas 3:00 sang hapon, oras sa Pilipinas nakatipon sang majority vote si Trump nga 277 votes.
Nakuha ni Trump ang boto sang kalabanan nga swing states particular na sa Georgia, Pennsylvania kag Winconsin.
Si Trump ang ika 47 nga presidente sang Estados Unidos.
Siya ang nagpungko bilang presidente sang America sadtong 2017-tubtob 2021 apang siya ang nalutos ni outgoing US President Joe Biden sadtong 2020 US Presidential elections.
Si Trump ang labing-una nga presidente nga nakahimo sang political comeback humalin sang 1800s.
Natalana nga magapatigayon sang speech si Trump sa Mar-a Lago, Palm Beach, Florida USA subong nga adlaw sa atubang sang iya mga supporters
