Gina-engganyo sang donor recruitmet officer sang Philippine Red Cross Bacolod City – Negros Occidental chapter ang tanan nga mangin kabahin sang Dugong Bombo Blood Letting Activity nga patigayunon bwas, Nobyembre 15.
Sa interview sang Bombo Radyo Bacolod kay Mary Joyce Louise Rebadomia, madamo sang mabuligan sa pagdonar sang dugo ilabi na sa karun nga madamo ang nagakinahanglan sang blood transfusion.
Suno kay Rebadomia, madamo ang nagakinahanglan sang dugo ilabi na sang naglabay nga Bagyo Tino sa Negros Occidental.
Dugang pa sini nga sa tagsa ka bag sang gin-donate nga dugo ang makasalbar sang tatlo ka kabuhi.
Panugyan sini sa mga magadonar nga magtulog sang anom tubtob walo ka oras, mag-inom sang madamo nga tubig, light breakfast lamang ang kaunon kag indi na magkaon duha ka oras antes ang pagpakuha sang dugo, mag-inom sang maintenance kaangay sa hypertension agud malikawan nga magsaka ang blood pressure, kag kinahanglan nga 52 kg ang kabug-aton para sa mga firstimer.
Samtang ang mga 16 tubtob 17 anyos ang pangitaan naman sang parental consent.
Pahanumdom naman ni Rebadomia nga dapat may tatlo ka bulan ang gap sa pagdonar sang dugo, indi man pwede nga mag-inom sang alcoholic beverages sa sulod sang 24 oras, magpanigarilyo sa sulod sang lima ka oras kag magkaon sang heavy meals ukon matambok kag mamantika nga pagkaon sa sulod sang tatlo tubtob apat ka oras antes magpakuha sang dugo.
