Gin-terminate na sang Department of Tourism (DOT) ang kontrata sa DDB Philippines, ang advertising firm nga naggamit sang stock footage halin sa iban nga pungsod sa tourism promotional video para sa Pilipinas.
Ginhimo sang DOT ang desisyon matapos nagbaton sang kritisismo ang “Love the Philippines” tourism advertising campaign bangud sa paggamit sang video nga halin sa Thailand, Indonesia, Swtizerland kag UAE.
Una na nagpangayo sang pasaylo ang DDB Philippines kasunod sang kontrobersiya kag nag-ako sang stock footage nga wala ginkuha sa Pilipinas.
Samtang, una na nga ginmando sang Department of Tourism ang gilayon nga imbestigasyon sa promotional video sang ahensya nga may tig-ulo nga “Love the Philippines”.
Ini kasunod sang paglapta sang isyu nga paggamit sang stock video nga ginkuha sa iban nga pungsod.
Sa isa ka pahayag, ginpahayag ni Tourism Secretary Christina Frasco, nga makapila sang mga ini ginpasiguro sa DDB Philippines, contactor sang “Love the Philippines” ang originality kag ownership sang mga materyal nga gingamit sa nasambit nga video.
Kadungan sini, gilayon man nga nagpangayo sang pasaylo ang nasambit nga contractor kag gin-ako sini ang tanan nga responsibilidad.
Gin-athag naman sang ahensya nga wala sila sang gingasto para sa production sang video.
