Ginaamat-amat na sang Department of Public Works and Highways- Bacolod City sa pagkay-o sa mga guba sa Esplanade sa bahin sang Bacolod City Government Center.
Sa interview sang Bombo Radyo Bacolod kay Engineer Leah Jamero, District Engineer sang DPWH-Bacolod City, ginmanduan na sila sang nakaligad sang alkade sang ciudad nga kay-uhon ang steel grilling sang Esplanade.
Ini bangod madamo sa mga steel grillings ang ginpangkakas na kag napuno naman sang vandals ang lugar.
Makita man sa lugar ang pila ka mga solar lights nga indi na mapuslan kag wala na nagaandar.
Suno kay Jamero, nabisitahan naman sang project engineer ang Esplanade kag natalana nga i-restore ang mga guba nga steel grillings.
Dugang pa sini nga wala pa mahibaluan kun pila ang balor sang pagrestore sang mga naguba sa Esplanade.
