Ginpahayag ni Senate President Francis Escudero nga dapat nga pasabton ang Department of Public Works and Highways (DPWH) natuhoy sa malala nga pagbaha sa pila ka bahin sang Bicol region sang tinalikdan nga semana bangud sa severe tropical storm Kristine.
Suno kay Escudero, ang DPWH kasubong man ang iban nga mga ahensya ang pamangkuton sa pagsugod sang budget deliberations sang Senado nga natalana sa masunod nga semana.
Suno kay Escudero, ang DPWH kasubong man ang Department of Environment and Natural Resources ang pamangkuton kun ano ang ila projection, ano ang dapat bag-uhon, kasubong man ang Climate Change Commission.
Apang ginpahayag sini nga ang pagbaha ang limitado lamang sa pila ka mga probinsya sa Bicol region.
Ginsuportahan man sang Senate Presidente ang position ni President Ferdinand Marcos Jr. nga liwat nga bisitahon ang Bicol River Basin Development Program.
