DPWH, magapagwa sang listahan sang mga ghost kag substandard projects sa nagkalain-lain nga bahin sang Pilipinas

Natalana nga pagwaon sang Department of Public Works and Highways (DPWH) ang listahan sang mga ghost kag substandard project sa nagkalain-lain nga bahin sang pungsod.

Suno kay DPWH Secretary Vince Dizon, ilakip sa nasambit nga listahan ang pangalan sang mga kontraktor sang kada proyekto, pangalan sang mga mamalidha ukon public official nga proponent kag mga empleyado kasubong man mga opisyal sang DPWH nga nagperma sa nasambit nga proyekto.

Suno kay Dizon, ginafinalize na sang DPWH ang nasambit nga listahan kag plano sang ahensya nga i-lunsyar ini matapos ang pila ka semana.

Target ini nga buksan online kun sa diin sarang nga ma-access sang publiko ang kabug-usan sang listahan.