Magasugod na ang Department of Public Works and Highways (DPWH) sa pagrehabilitate sang key infrastructure sa northern Cebu nga naguba matapos ang pagtay-og sang magnitude 6.9 nga linog.
Suno kay Public Works Secretary Vince Dizon, ang rehabilitation kag permanente nga pagkay-o ang pagasuguran subong nga semana kag subong nga adlaw.
Suno diri, masobra P2.5 billion nga balor sang halit sa mga dalanon kag taytay ang narecord.
Wala pa diri labot ang mga structures kaangay sang mga buluthuan kag ospital gani lauman nga magasaka pa ang numero.
Santo sa latest situational report sang National Disaster Risk Reduction and Management Council, kabug-usan nga 713 ka mga imprastraktura sa Central Visayas ang nahalitan bangud sa pagtay-og sa Bogo City, Cebu sang tinalikdan nga semana.
