Ginpanindugan sang Department of Public Works and Highways (DPWH) nga ang indi insakto nga paghaboy sang basura kag high tide ang gintunaan sang lapnagon nga pagbaha nga gintuga sang habagat kag Typhoon Carina sa Metro Manila.
Suno kay DPWH-Metro Manila Director Loreta Malaluan, natabuan lamang nga tuman kakusog ang ulan kadungan sang high tide gani ang mga yara sa higad sang coastal areas kaangay sang Camanava (Caloocan,Malabon, Navotas and Valenzuela).
Suno sa iya, ang mga basura nga nagtipon sa mga waterways ang nagpahinay sa drainage process.
Suno kay Malaluan, ang flood control infrastructue sang DPWH, lakip na ang pumping stations, ang indi maksarang sa wala ginlauman nga kadamuon sang tubig.
Dugang pa sini nga ang flood control projects ilabi na ang mga pumping stations ang wala napagana sang maayo bangud sa mas mataas nga level sang tubig nga pagagwaan sang mga nagakapump nga tubig baha sang sa elevation sa pumping station.
Suno sa iya, committed ang DPWH sa pagtapos sang nagapadayon nga flood control projects kag pag-imprubar sang mga imprastraktura agud mamanage sang maayo ang mga weather events.
