DPWH, nanindugan nga wala sang “overnight solution” sa problema sa mga pagbaha nga tuga sang Habagat

Ginpahayag ni Department of Public Works and Highways (DPWH) Secretary Vince Dizon nga wala sang overnight solution para sa grabe nga baha nga gakaeksperyensyahan subong sa pila ka bahin sang Luzon bangud sa wala untat nga pag-ulan dala sang Habagat.

Suno kay Dizon, indi gilayon makay-o ang problema sa sulod lamang sang isa ka tuig.

Suno diri, kinahanglan ang isa ka malawig nga solusyon kag ang nagakaigo nga implementasyon sang mga proyekto sa bug-os nga pungsod.

Padayon naman ang imbestigasyon sang Office of the Ombudsman sa mga kuwestiyonable nga flood control projects.

Suno sa tiglikom, samtang ginahulat ang resulta sang imbestigasyon, nakatutok ang DPWH sa pag-repair sang mga guba, wala natapos, kag mag gin-abandonar nga proyekto nga dapat kuntani nakabulig na sa pagkontrol sang baha.