Aminado ang assistant regional director sang Department of Public Works and Highways (DPWH)-Negros Island Region nga dako ang pondo nga ginpagwa sang gobyerno agud nga magdihon sang mga proyekto nga solusyon sa pagbaha sa Bacolod City.
Sa interview sang Bombo Radyo Bacolod kay Engineer Rodney Gustilo, madamo sang pondo nga ginrelease sa DPWH Bacolod City Engineering District para flood mitigation projects nga ginalakipan sang flood control kag drainage control projects apang nagaluntad sagihapon ang pagbaha sa pila ka bahin sang ciudad.
Suno kay Gustilo sang Martes sang tinalikdan nga semana nagmeeting sila ni Bacolod City District Engineer Lea Jamero kaupod si Bacolod City Lone District Representative Alfredo “Albee” Benitez agud estoryahan ang solusyon sa pagbaha.
Suno kay Gustilo bangud nga indi man masarangan sang national government sa paghatag isang tingob nga pondo, ang DPWH ang magahimo sang short kag long term method agud nga masolusyunan ang pagbaha sa Bacolod City.
