Hugot ang pagsalig sang Assistant Regional Director sang Department of Public Works and Highways – Negros Island Region nga wala sang ghost flood control projects sa rehiyon.
Ang nangin kontrobersyal nga issue sa flood control projects sa San Carlos City, ang gintawag nga fictitious documents sang mga unscrupulous contractors.
Sa interview sang Bombo Radyo Bacolod kay Engr. Rodney Gustilo, ang DPWH-NIR ang nag-umpisa sa pag-operate sang Nobyembre 2024.
Samtang ang mga flood control projects naman nga ginapa-imbestigaran ang halin 2022 tubtob sa karun.
Nahibaluan nga nagdangat sa P10.7 billion ag flood control projects sa Negros Occidental santo sa data gikan sa Sumbong sa Pangulo website.
Suno kay Gustilo, kalabanan sa mga proyekto sa Negros Occidental ang sa idalom pa sang DPWH Region 6 kag ila pa nga ginarequest nga makuha ang mga dokumento.
Ang sa Negros Oriental kag Siquijor ang sa idalom naman sang DPWH Region 7.
Apang antes paman, ginpasumiter na nila ang mga District Engineers sang dokumento natuhoy sa mga previous flood control projects, kag naseguro nila nga tanan ang naglabay sa husto nga proseso.
