Ginstekyar sang Department of Public Works and Highways – Negros Island Region (DPWH-NIR) ang tatlo ka sapa sa ciudad sang San Carlos nga involved sa gina-alegar nga ghost flood control projects.
Suno kay Engr Juan Alfonso Jorbina Sr. officer-in-charge District Engineer sang 5th Engineering District sang Negros Occidental, ang area ginbisita mismo ni Engr Philip Bolano, assistant division chief sang Negros Island Region Maintenance Division nga nakabase sa Dumaguete City.
Suno diri, nakita nga naga-exist ang project kag ini nahuman sang maayo kun sa diin gina-agyan pa ini sang iban nga residente bangod sementado ang dalan sang sa maglabay sila sa proper nga dalan nga madamo sang lutak.
Pahayag ni Jorbina, nagpa-athag na si Mayor Renato Gustilo sa pag-deny sini nga may yara sang ghost flood control project sa ciudad.
Sa karun, ginafollow-up na lamang nila sa DPWH national office ang letter ni Mayor Gustilo agud matapos na ang issue sa tatlo ka unscrupulous contractors.
