Nagpasalig ang Department of Public Works and Highways (DPWH)- Negros Island Region (NIR) nga mahatag sila sang nagaka-igo nga rekomendasyon para masolusyonan ang problema sang baha sa ciudad sang Bacolod samtang si Bacolod City Mayor Greg Gastaya kag Bacolod City Lone District Representative Alfredo ‘Albee’ Benitez naman ang magapangita sang budget para sa proyekto.
Sa interview sang Bombo Radyo kay Engr Rodney Gustilo, assistant Regional Director sang DPWH-NIR, madamo sang pondo nga na-release para sa flood mitigation structures sa ciudad lakip na ang flood controls kag drainage projects.
Suno diri, dapat may nagaka-igo nga solusyon sa problema kag dapat nga may makita gid nga resulta ang publiko.
Suno pa sa Assistant Regional Director sang DPWH-NIR nga dapat may yara sang holistic recommendation ang DPWH kay Congressman Benitez agud mabuligan ini sa pagpangita sang pondo.
Pahayag ni Gustilo, ang DPWH ang magahatag sang rekomendasyon para sa solusyon sa baha sa Bacolod City kag indi na nila problema ang budget bangod si Mayor Gastaya kag Congressman Benitez naman ang mangita sang pondo para diri.
