May yara na sang nabutang nga systema ang Department of Public Works and Highways sa pag-estimate sang mga hilimuon nga proyekto agud masiguro nga wala sang anomalya.
Sa interview sang Bombo Radyo Bacolod kay Engineer Rodney Gustilo, may yara ang ahensya sang Data Unit Price Analysis (DUPA) kun sa diin ginagamit sa pag-estimate sa magasto sa isa ka proyekto kag kun ano ini kalawig himuon.
Suno kay Gustilo, ang nasambit nga systema ang gin-establisyar sa tion ni former DPWH Secretary Rogelio Lazo Singson kag padayon nga ginagamit tubtob sa karun kag gina-improve man ini samtang nagalakat ang panahon.
Suno diri, agud dugang nga masiguro sa publiko nga wala sang anomalya ang proyekto ang tanan nga contractors ang ginapaidalom sa bidding process kag ini ang ginapakita sa live sa social media.
Dugang pa sini nga gina-advertise man nila ini bilang pagsunod sa requirement sang layi.
Suno diri sa Negros Island Region wala sang problema ang mga contractors bangud nagasunod sila sa tanan nga proseso.
