Ginpakigbato ni Department of Public Works and Highways (DPWH) Secretary Vince Dizon ang panawagan nga ibalik ang ginbuhin nga pondo sa ila nga talatapan para sa 2026 nga budget.
Ini matapos nga ginpanubuan sang House of Representatives sa P570.48 billion ang budget gikan sa P624.48 billion.
Suno kay Dizon, wala sila nagahingyo sang pag-re-instate sang mga partikular nga proyekto kaangay sang flood control ukon mga taytay, apang kinahanglan nila ang P45 billion agud matigayon ang husto nga pagpatuman sang mga proyekto.
Ginpahayag ni Dizon, nga ang ginpropose nga pondo ang ginbase sa bag-o nga Construction Materials Price Data (CMPD) nga may-ara sang mas manubo nga presyo sang materyales.
Apisar nga gin-ako ni Dizon nga naapektuhan ang pagsalig sang publiko sa DPWH tungod sa nakaligad nga mga isyu sang kurapsyon sa mga flood control projects, ginpasalig sang opisyal nga indi ini matabo sa idalom sang iya pagdumala.
Apang nagakabalaka si Senador Kiko Pangilinan nahanungod sa posible nga overpricing.
Ginpahayag ni Dizon nga nagnubo ang presyo sang mga proyekto sa 2026, apang kwestyon sini kun sin-o gid ang may diber sa pagdesider sa pagbag-o sa tunga sang Kongreso, Senado, ukon ang executive branch.
Dugang pa ni Dizon, nahangpan niya ang mga pagpangduhaduha sang mga mamalidha, gani ginpagwa niya ang department order nga nagamando sa mga department officials nga sundon ang husto nga pagpresyo agud malikawan ang kurapsyon.
