DPWH Secretary Vince Dizon ginkumpirmar nga 100 porsyento nga nakasumiter ang tanan nga opisyal sang ahensya sang ila tagsa ka courtesy resignation

Ginkumpirmar ni Department of Public Works and Highway (DPWH) Secretary Vince Dizon nga nakasumiter na ang tanan nga mga opisyal sang ahensya sang ila tagsa ka courtesy resignation.

Suno kay Dizon, 100 percent nga opisyales sa Central kag District Office ang nagsunod sa iya nga mando.

Una na nga ginsiling sang tiglikom nga ang ini nga lihok ang kabahin lang sang pagtinlo sa hanay sang DPWH matapos nadiskubrehan ang mga anomaliya angot sa flood control projects.

Sa karon, ginapaidalom na sa review ang mga nasambit nga courtesy resignation.