Ginpresenta bilang testigo si Department of Public Works and Highways (DPWH) Secretary Vince Dizon sa Sandiganbayan kahapon, angot sa ginapangatubang nga graft case ni anay Ako Bicol party-list representative Zaldy Co tuhoy sa gin-alegar anomalous flood control project sa Naujan, Oriental Mindoro.
Sa isa ka interview sa tiglikom, ginpahayag sini nga madamo na siya sang may nabaton nga alegasyon sang iregularidad sa nasambit nga proyekto.
Ginkumpirmar man ni Dizon nga human sa substandard nga materyales ang flood control.
Ginkasohan sang Ombudsman si Co kag pila ka mga former DPWH officials angot sa P289-million road dike project sa Naujan sa diin imbolbado ang contractor nga Sunwest Inc., nga ginaangot kay Co.
Natukiban nga tatlo ka metros lamang sang sheet piles ang gin-install sa baylo nga 12 meters nga requirement.
Suno kay Dizon, imposible nga ma-repair ang Naujan project gani kinahanglan i-demolish gid ang bug-os nga proyekto kag ilisan sang bag-o.
